ယနေ့ ပညာရေး၊ လေ့ကျင့်ရေးနှင့် လူမှုဖွံ့ဖြိုးတိုးတက်ရေးစင်တာ(TEC Myanmar)မှ ကြီးမှူးဖွင့်လှစ်ခဲ့သော Dip in ECCD(ရှေးဦးကလေးသူငယ် ပြုစုပျိုးထောင်ရေးနှင့် ဖွံ့ဖြိုးမှုဆိုင်ရာ ဒီပလိုမာသင်တန်း)၊ ဆေးဝါးအကူ ကျွမ်းကျင် သင်တန်း၊ သူနာပြုအကူ ကျွမ်းကျင်သင်တန်းနှင့် English language for Students and jobs(ကျောင်းသားနှင့် လုပ်ငန်းခွင် အင်္ဂလိပ်စာသင်တန်း)တို့၏ သင်တန်းဆင်းပွဲနှင့် သင်တန်း အောင်လက် မှတ် ချီးမြှင့်ပွဲ အခမ်းအနားအား နေ့လည် (၂)နာရီ အချိန်တွင် မင်္ဂလာတောင်ညွန့် သိမ်ဖြူလမ်း ရှိ Eden Hall ခန်းမ၌ ကျင်းပရာ TEC Myanmar မှ အဖွဲ့ဝင် ဆရာကြီး ဆရာမကြီးများ၊ ဖိတ်ကြားထားသော ဧည့်သည်တော်များနှင့် သင်တန်းသူ သင်တန်းသားများ တက်ရောက်ခဲ့ကြပါသည်။
အခမ်းအနားတွင် ပထမဦးစွာ စင်တာ၏ ဥက္ကဌ ဆရာဂျက်ဖရီ တင်အုန်းက အဖွင့်အမှာ စကားပြောကြားပြီး စင်တာ၏ လုပ်ငန်းဦးစီးနာယက ဟာဂျီမြင့်နိုင်နှင့် စင်တာ၏ နာယက ပါမောက္ခ ဒေါက်တာစိုးနိုင်တို့က အသီးသီး အမှာစကားပြောကြားကြပါသည်။
ဆက်လက်၍ TEC Myanmar စင်တာ၏ လုပ်ငန်းဖော်ဆောင်မူ့များကို စင်တာ၏ အတွင်းရေးမှူး ဆရာဦးဇော်အောင်က power point slides များဖြင့် ရှင်ပြခဲ့ပြီး ပြီးနောက် သင်တန်း ဆရာ ဆရာမများကို ဂုဏ်ပြုလွှာများ ချီးမြှင့်ခဲ့ပါသည်။
ထို့နောက် Dip in ECCD သင်တန်း၌ တက်ရောက်အောင်မြင်ခဲ့သော သင်တန်းသားများကို သင်တန်း ဆရာမကြီးဖြစ်ကြသော ပါမောက္ခဒေါက်တာ ခင်မာနီ (ပညာရေးတက္ကသိုလ်-ရန်ကုန်)နှင့် မလေးရှာ နည်းပညာတက္ကသိုလ်မှ ဒေါက်တာ မီမီကျော်တို့က ပေးအပ်ချီးမြှင့်ခဲ့ပြီး ဆက်လက်၍ ဒေါက်တာ ခင်မောင်ကြည်၊ ဒေါက်တာ မောင်မောင်လေးနှင့် ဆေးဘက်ဆိုင်ရာ ကျွမ်းကျင် ပညာရှင် ဆရာဦးအောင်ကိုလတ်တို့က ဆေးဝါးကျွမ်းကျင်အကူ နှင့် သူနာပြုကျွမ်းကျင်အကူ သင်တန်းသားများကို အောင်လက်မှတ်များ ချီးမြှင့်ခဲ့ကြပါသည်။
ထို့အပြင် Dip in ECCD သင်တန်းသားအား ဆရာမကြီး ပါမောက္ခဒေါက်တာ ခင်မာနီမ ဆုံးမသြဝါဒစကားပြေကြားခဲ့ပြီး ညနေ (၄)နာရီခန့်တွင် အခမ်းအနားအားအောင်မြင်စွာ ပြီးမြောက်စေခဲ့ပါသည်။
Comments
Post a Comment